♥ 寶藝酵素冷膜 ♥ 保濕冷敷劑 ♥
呢個其實係我既第一個凍膜, 其實係好多年前, 朋友已經極力推薦寶藝, 只係我好怕佢會係面度流黎流去/ 滴落黎整到污污joe joe, 而且一次要敷40分鐘, 而而且一罐開左之後要3個月內用完..!! 以前太懶惰, 實在唔想浪費.. 所以….. 直至最近D起心肝錫皮膚多D 先買黎試~ 仲一買就買曬2款♥♥ XD
一買返黎急不及待開既就係酵素冷膜, 用黎做深層清潔既. 用完佢暗啞OUT~ 第一次敷完之後, 塊面即刻白左2度呀, 好驚喜♥♥! 但之後再敷就冇再白左多2度, 不過依然非常乾淨XD.. D 黑頭粉刺浮曬出黎, 輕輕就可以推倒出黎啦~而且佢含有天然洋甘菊萃取液, 所以好溫和, 就算唔再敷保濕MASK 都唔會乾爭爭架♥
而保濕冷敷劑呢.. 佢係用黎保濕既啦XD~ 用完佢, 皮膚好水潤, 飲飽水咁♥ ~ 佢可以係用完酵素冷膜之後用, 雖然各要40分鐘, 即係個幾鐘, 但佢唔會流黎流去/ 滴落黎,可以一路敷一路做其他野架♥ ~
敷凍膜一定要好厚好厚咁敷, 寶藝官方話最好有3個10蚊銀咁厚~ 因為實在太厚啦, 要洗之前, 我會先用隨凍膜附贈的刮棒黎刮走佢, 之後先洗面.
自從敷左寶藝之後, 成日都唔想敷Paper mask, 因為敷Paper mask 我一定會訓係度敷, 硬係覺得咁樣先係最吸收; 而敷寶藝凍膜, 行訓坐企都緊貼係面度, 唔會走位, 唔會滴, 可以好安心咁行黎行去做其他野 (我有時會一路敷寶藝 + 一路睇電視/玩電話 + 一路用Refa Canat Y 左look look, 右look look (/好忙XD))~~ ♥ 而且佢敷落冰冰的, 夏天敷會好正, 一旦曬親, 泛紅, 敷凍膜可以為皮膚降溫, 降紅架♥♥~
留言列表