✿✿ dearcarmen ✿✿

天氣乾燥, 連頭髮都好乾呀! 等我分享下我既護髮三寶啦~

✿ 摩洛哥堅果油 (即係黑黑地個支) ✿ 好似$8x/ 120ml.. 佢含有天然摩洛哥堅果油和亞麻子油, 能迅速滲透髮絲.修復秀髮受損部位,滋潤乾枯分叉頭髮,抑制頭髮淩亂,營養秀髮,具超強抗氧化功能,可保護頭髮不受環境污染,延緩頭髮衰老,清爽不油膩,用後令髮質柔軟,順滑,散發迷人光澤.

佢可以濕查/乾查/用黎做Treatment 都得架~ 佢冇色冇味, 睇落聞落都平平冇奇, 但用落就會鐘意佢♥~ xd

濕查: 前個排, D 頭髮好鬼乾, 忍唔住要做D 野~ KEEP 住係每日洗完頭, 用毛巾索乾個頭, 趁頭髮未乾曬, 仲濕濕地既時候, 用髮尾油查頭髮中間至髮尾 (濕查我通常2-3 pump 倒), 用左一個星期, 頭髮冇咁鞋啦~ hehe..

乾查: 有時乾得滯, 出門口前又唔夠時間洗個頭先, 就用少少髮尾油查髮尾, 會睇落冇咁乾同有光澤左架~ 但唔好用太多(乾查我通常1-2 pump 倒), 否則會好油架~

做Treatment: 髮尾油仲可以用黎焗油架. 可以洗完頭, 查髮尾油, 然後戴浴帽, 再用條熱毛巾包住, 等10-15分鐘倒就可以洗頭架啦~


✿ Renovo Essentials Intensive Repairing Treatment 滋潤保濕焗油✿ 佢係俾頭髮用既mask~ 功效係強效修護受損髮質, 深層保濕及滋潤髮絲, 高效修護, 令秀髮重生, 用後髮絲柔順，強韌，亮麗有光澤, 官方建議每個星期使用2-3次~ 佢係奶白色 + 少少藍色粒子, 有陣陣salon 味. 用完即時順滑左♥

✿ 有cushion 既梳✿ 呢把梳好大把, 有Cushion 咁可以按摩頭皮, 梳起黎好軟, 好舒服♥♥♥

大S係美容大王講過: “要想秀髮絲絲閃亮，美髮的秘訣 - 使用有按摩頭皮毛囊功能的梳… 梳頭髮的次數一定要超過你的年紀，如果你1x就梳1x下，年紀愈大，按摩頭皮次數也需要愈多…而且每一個部位都要梳到” 仲有, 梳唔開既地方千其千其唔好間硬梳呀, 好傷架! 可以用手慢慢梳開, 再抓住打結上方的部份, 慢慢用梳輕輕梳打結處, 令個結分開.